> Medien  > Lieder  

Lieder aus dem "Almen-Rausch"

G'schäft


Live am Wallbergmoos von Florian Kern gesungen

Text/Musik: Ulrich Kern

Früher war's mi'm G'schäft a so:
Da hast a Sau verka'ft,
Und hat di oaner b'schissen,
Dann hast hoit mit eahm g'rafft.
Und es war ein klarer Fall,
De Sau, de war dei Kapital.

Oder bist a Schreiner g'wesen,
Hast an Schrank z'ambaut.
Dei'm Hoiz, dei'm Eisen und dei'm G'schick
Hat ma hoit vertraut.
Und es war ein klarer Fall,
Der Schrank, der war dei Kapital.

Aber heit is so, heit verka'fst nur a Idee.
Du denkst dir was aus, de andern zoin, is des net schee?
Du muaßt a nix hob'n, ausser kollosale Sprüch.
Du muaßt a gar nix könna, du muaßt nur glaub'n, nämlich an dich.

Oder bist a Jager g'wesen,
Oiwei auf der Pirsch,
Oamoi war's a Auerhahn,
A's nächste Moi a Hirsch.
Und es war ein klarer Fall,
Der Hirsch, der war dei Kapital.

Oder bist a Stoametz g'wesen,
Hast an Grobstoa g'macht.
Du host dei G'schäft recht guat verstanden,
Am Grab hat koaner g'lacht.
Und es war ein klarer Fall,
Der Grabstoa war dei Kapital.

Aber heit is so, heit verka'fst nur a Idee.
Du denkst dir was aus, de andern zoin, is des net schee?
Du muaßt a nix hob'n, ausser kollosale Sprüch.
Du muaßt a gar nix könna, du muaßt nur glaub'n, nämlich an dich.