Lieder aus dem "Almen-Rausch"

Packerl

Text/Musik: Ulrich Kern


A jeder muaß sei Packerl trag'n.
A jeder muaß sich damit plag'n.
A jeder muaß sich manchmoi bucka.
Koaner konn sich davor drucka.
Des is des Leb'n.

Kaum bist auf der Welt, scho hast a Problem:
Du muaßt für die andern an Engel abgeb'n.
Derweil steckt der Teifi scho tiaf in dir drin.

Du bist zu dir ehrlich, sagst was dir g'foit.
Mei Liaber, so wirst du bei uns fei net oid.
Und so lernst du boid: im Verstell'n liegt der Sinn...

A jeder muaß sei Packerl trag'n.
A jeder muaß sich damit plag'n.
A jeder muaß sich manchmoi bucka.
Koaner konn sich davor drucka.
Des is des Leb'n.