Lieder aus "Die Wilderer vom Tegersee"

Maria

Text/Musik: Ulrich Kern

Maria, i hob nix, und werd nia vui hobn,
Und du bist was b'sonders - i trau mi kaum frogn...

Maria, i bin nix, und werd nia was werd'n,
Doch möcht i gern wissen: Hast du mi gern?

Maria, i bin a Mo, und g'wiss a moi wuid -
Doch woaß i, dass im Leb'n was ganz anders guit.

Maria, sei net so hart. Zoag doch a G'fui!
A Mo und und Frau, des is vui mehr ois a Spui.

In deiner harten Schoin
Da steckt a woacher Kern.
Und wenn'st es ah net hören wuist:
Maria, i hob die gern.